BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Job
1 ·
2 ·
3 ·
4 ·
5 ·
6 ·
7 ·
8 ·
9 ·
10 ·
11 ·
12 ·
13 ·
14 ·
15 ·
16 ·
17 ·
18 ·
19 ·
20 ·
21 ·
22 ·
23 ·
24 ·
25 ·
26 ·
27 ·
28 ·
29 ·
30 ·
31 ·
32 ·
33 ·
34 ·
35 ·
36 ·
37 ·
38 ·
39 ·
40 ·
41 ·
42
Traduida par Andrew Burns
E Job ia parla e el ia dise:
Vera, me ia sabe ce lo es tal:
como un person pote es justida ante Dio?
Si un person ta litiga El,
El no ta responde a un ves en mil.
Saja en mente, forte en fortia,
ci pote disputa El e resta secur?
El aranca montes e los no consensi,
inversa los en Sua coleria.
El secute la tera de sua loca,
e sua colonas trema.
El comanda la sol e lo no leva,
e El seli la stelas.
El estende solitar la sielos,
e crase su pede la ondas de la mar.
El crea la Oso e Orion,
la Pleades e la camera de la sude.
El fa cosas sin limita
e mervelias sin conta.
Vide, El pasa supra me e me no vide,
pasa a ante me e me no pote teni El.
Vide, El saisi—ci pote resiste El?
Ci pote dise a El, “Cua Tu fa?”
Dio no va retira Sua furia.
Su El la aidores de Rahab encolie.
Ma me—me ta responde a El,
ta eleje mea parolas con El.
An si justida, me no ta pote apolojia.
Me ta debe suplica mea propre judor.
Si me ta clama e El ta responde a me,
me no ta fida El a escuta mea vose.
El ci per un pelo ta crase me,
e ta multipli mea feris per no cosa.
Si lo es fortia—El es forte,
e si lo es justia—ci pote acusa El?
An si justida, mea boca ta condena me,
me es nonculpable, ma El fa me a contorseda.
Lo es egal, e alora me ia pensa:
El destrui la nonculpable e la mal.
Si la flajelo mata instante,
El burla la mal situa de la nonculpable.
La tera es donada a la mano de la mal,
El veli la fas de sua judores.
Si no El—ci otra?
E mea dias es plu rapida ca un mesajor.
Los ia fuji e ia vide nunca bon cosas,
lisca a via como un barcos de cana,
como un agila tufante sur preda.
Si me ta dise, Me va oblida mea lamenta,
me va parti de mea mal umor e va felisi,
Me ia es terorida par tota mea sufri.
Me ia sabe ce Tu no va desculpa me.
Me va es culpable.
Perce me ta labora futil?
Si me ta bani en neva,
ta puri mea manos con alcalin,
Tu ta tufa me an tal en un foso,
e mea vestes ta desacri me.
Car El no es un om como me tal ce me ta responde a El,
tal ce nos ta asembla en corte.
Si sola on ta ave un arbitror entre nos,
ci ta pote pone sua mano sur ambos nos,
ci ta pote sutrae de me Sua basto,
e Sua teror no ta confonde me.
Me ta parla, e no va teme El
car acel no es como me es.
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 9 desembre 2025 (09:49 UTC).