BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Job
1 ·
2 ·
3 ·
4 ·
5 ·
6 ·
7 ·
8 ·
9 ·
10 ·
11 ·
12 ·
13 ·
14 ·
15 ·
16 ·
17 ·
18 ·
19 ·
20 ·
21 ·
22 ·
23 ·
24 ·
25 ·
26 ·
27 ·
28 ·
29 ·
30 ·
31 ·
32 ·
33 ·
34 ·
35 ·
36 ·
37 ·
38 ·
39 ·
40 ·
41 ·
42
Traduida par Andrew Burns
1 Job ia parla e ia dise:
2 Escuta, o escuta mea parolas,
e ta ce esta es vosa consola.
3 Tolera me en cuando me parla,
e pos cuando me parla vos pote burla.
4 Esce mea cexa es a un person,
e perce me debe no es nonpasiente?
5 Turna a me e es ofendeda,
pone mano sur boca,
6 en cuando me recorda e es angusada
e trema ataca mea carne.
7 Perce males vive,
vei e deveni potiosa?
8 Sua semes dura ante los,
e sua projenia ante sua oios.
9 Sua casas es secur de teme,
e la basto de Dio no es contra los.
10 Sua bove mas copula sin fali,
sua bove fema pari e no aborta.
11 Los envia sua petis como un manada,
e sua fies dansa.
12 Los porta la tambur e lira
e joia a la sona de la fluta.
13 Los pasa sua dias en abunda,
e instante los desende a Xeol.
14 E los dise a Dio, “Turna a via de nos,
nos no desira conose Tua vias.
15 Ci es Xadai tal ce nos debe servi El,
e como nos profita par suplica El?”
16 Vide, sua abunda no es en sua manos—
la consela de la males es distante de me!
17 A cuanto veses la lampa de males estingui
e sua desastre veni sur los—
esce El comparti Sua coleria,
18 e los es como palia en la venta
e gluma portada par la tempesta?
19 Esce Dio reserva per Sua fios Sua sufri?
Ta ce El repaia afin el ta sabe.
20 Ta ce sua propre oios vide sua colasa,
e ta ce el bevi de la venena de Xadai.
21 Car cual interesa el ave en sua casa pos el,
cuando la conta de sua menses rompe?
22 Esce el va ensenia sabe a Dio,
e va judi la altas?
23 Un person mori plen de fortia,
intera calma e pasosa.
24 Sua mamelas es plen de lete,
la medula de sua osos ancora moiada.
25 Un otra mori con un nefex amarga,
e el ia saborea nunca bon cosas.
26 En junta sur la polvo los reposa,
e la verme va covre los.
27 Vide, me sabe vosa projetas,
e vosa conspiras violente contra me.
28 Cuando vos dise, “Do es la casa de la nobil,
e do es la tenda de la abiteria de la mal?”
29 Esce vos no demanda a viajores,
e vos no reconose sua demostra?
30 Car en la dia de desastre on salva la mal,
en la dia de coleria on gida el a via.
31 Ci va dise a sua fas sua modo,
e per lo cual el ia fa, ci va repaia el?
32 E on porta el a un tomba,
e sur la tumulo algun vijila.
33 La masa de tera de la rieta es dulse a el,
e cada umana segue pos el,
e ante el—ultra conta.
34 E como vos consola me con vapor,
cuando vosa respondes es sola tradi?
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 9 desembre 2025 (09:49 UTC).