A multe veses, esperantistes promove sua lingua par usa la parolas “simple” e “fasil” como sloganes, con un diseda comun, “Esperanto ave sola 16 regulas gramatical”, per dise, on pote comprende tota la regulas gramatical de esperanto con min ca des minutos. Esta es vera, si?
La cuantia “16” veni de la des-ses regulas fundal de esperanto scriveda en Fundamento de Esperanto, un libro tan respetada par esperantistes como la Biblia es respetada par cristianes. La plu de esta regulas foca a la morfolojia — como on declina la nomes e conjuga la verbos. Alga regulas no es multe sinifiosa, per esemplo: “on spele la parolas en la mesma modo como on pronunsia los” e “la asentua de un parola sta sempre sur la silaba anteultima”. Esta du regulas es sur pronunsia, ma los es ancora considerada como regulas gramatical. Un plu, “on pote omete la letera vocal a fini de un nom o article de defini par scrive un apostrofe en loca de lo”. Lo no sola es nonrelatada a la gramatica, ma ance es apena usada en testos nonformal e formal — on vole omete leteras vocal sola cuando on scrive un poesia.
Lo pare ce en efeto, la cuantia de regulas vera gramatical debe es sirca 10. Donce la gramatica de esperanto es an plu simple ca nosa espeta? On pote leje tota la 10 regulas en cuando on usa la vason. Plurali un nom par ajunta -j; fa ce un nom deveni acusativa par ajunta -n. Fada!
La veria dur pote es mostrada par compara la statisticas. La Nova Gramatiko de Esperanto scriveda par un xines (Cao Donghai) ave 337 pajes si lo es un libro primida, o 219 pajes si lo es un elibro. La libro de gramatica la plu ofisial en la comunia de esperantistes, Plena Manlibro de Esperanto Gramatiko (cortida PMEG) ave 696 pajes, o 645 pajes si tu leje sua tradui xines. Ambos de los es primida con paper de A4 a grandia-de-letera de 12 pt.[¹] Vide la cuantia de contenidas vera!
Aprendores pote descovre plu e plu regulas gramatical estra la 16 regulas fundal tra sua aprende. Per esemplo, si la sujeto de un frase es un infinitiva, alora la predicativa debe es un averbo, no un ajetivo. On pote trova cosas cual contradise lunlotra an entre la 16 regulas fundal. Per esemplo, “un nom pos un preposada debe es nominativa” contradise “un nom deveni acusativa si lo indica la dirije de un move”; en pratica, on pote usa un nom acusativa pos un preposada, ma lo ave un sinifia diferente de si on usa la nom nominativa pos la preposada. Aprendores no pote conose estas si los leje sola la 16 regulas fundal. Multes ta cria “esperanto engana me!” pos cuando los trova plu e plu detalias nonvideda en la diseda, “esperanto ave sola 16 regulas gramatical”.
La veria es clar: un tal diseda de promove es un engana. La engana es tan majiosa ce multe persones sin sabe linguistical cade volente a en la “trapa” de aprende esperanto — los no reconose ce regulas complicada es esensal per un lingua completa, e 16 frases pote nunca de sempre esplica tota fenomenos gramatical. (Si no, cisa Chomsky e la multe linguisticistes ci avocati la teoria de gramatica jenerante debe parti de universias, car los es fol.)
La engana es aora cracida. Pos alora, lasa ce nos analise la gramatica vera de esperanto e vide esce lo es difisil o fasil aprendable, e cuanto criticas lo reseta tra sua vive.
Me vole comensa a la cor de la gramatica esperanto: codas. Cada de cuatro tipos de parolas cresable (nomes, ajetivos, verbos, averbos) es clar identifiable con sua coda unica, e nomes, ajetivos e verbos es cambiada morfolojial en modo multe regular:
Nom, pe. fenestro “fenetra”:
Ajetivo, pe. provizora “tempora”:
La caso e conta de un ajetivo debe es la mesma como aceles de la nom descriveda. On no pote dise sovaĝa bizonojn, sola sovaĝajn bizonojn “bisones savaje”.
Verbo, pe. fanfaroni “vanta”:
Estra tempos e modas, la aspetas e voses es ance indicada con sufisas. La ses formas a su es partisipios:
La vose pasiva en un frase es comun espresada par esti “es” e un partisipio:
Esta sistem pare tro complicada per comensores, e la vose ativa e vose pasiva es tro fasil per confusa cuando on leje testos esperanto car la sola difere entre los es un letera -n-. En ajunta, la esti debe conjuga par tempo, donce la espresa partisipial deveni un aparato delicata: tre tempos de esti multiplida par ses formas posible de la partisipio es des-oto. On ave des-oto elejables per un espresa partisipial peti.
Verbos pote usa plu afisas. La afisas la plu comun es ek- “comensa” e -ad- “continuante”. Car on ave ja -ad-, la jerundio de un verbo es formida con un -ado en loca, per esemplo fanfaronado.
La averbos es la plu simple. La plu de averbos fini con -e, ma contra esta, multe paroletas-averbos usa -aŭ en loca como “coda”, per esemplo baldaŭ “a punto de fa…”, hieraŭ “ier”, almenaŭ “a la min”, etc. Esta trae un problem de converti: si on vole cambia un averbo a un nom, on no pote sutrae la -aŭ car lo no es un coda vera, ma un parte de la tronco, donce on debe ajunta la -o direta pos la averbo, como hieraŭo, un parola alga torpe a puntos de vista de pronunsia e spele. Un otra problem es ce multe preposadas fini con -aŭ, per esemplo antaŭ “ante”, malantaŭ “pos” e kontraŭ “contra”, donce on no pote judi esce un paroleta es averbin o preposadal par vide la coda.
Multes ia critica esta desinia fundal de esperanto, per dise, codas. Multes ia dona sujestas ance. Entre los, “sutrae la acusativa” e “cambia la marca de pluralia -j- a un forma diferente” es la sujestas la plu suportada; an pos tota, la spele de -ojn e -ajn no es estetical sasiante. La projeta de reformi de 1894 par Zamenhof ia sutrae la acusativa e cambia la marca de pluralia de -oj a -i. Esta es eritada par la lingua ido.
La acusativa es un desinia vival de esperanto, spesial de sua sintatica. Me va discute sua mal efetos a la ordina de parolas a pos.
[¹] Tipolojial, la normas de grandia-de-letera per sinias xines e leteras roman es diferente. La testo orijinal scrive “numero 5”, cual es aprosima egal a “12 pt”.
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 11 junio 2025 (15:13 UTC).