AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
4 april 2020
Xina ia lamenta sua vitimes de la crise de coronavirus par fa un silentia de tre minutos, tempora pausante la nasion.
On ia declara un dia de recorda en Xina oji per onora la plu ca 3300 persones ci ia mori par COVID-19.
A 10:00 de ora local, persones tra la pais ia sta nonmovente per tre minutos, como un tribui a la mores.
A pos, autos, trenes e barcones ia tuti sua claxones e alarmas, ataca airal ia sona, e banderas ia es basida sur sua palos.
La casos prima de coronavirus ia es detetada en la site Wuhan en la provinse xines Hubei en la parte tarda de la anio pasada.
De pos, la virus ia traversa la planeta, infetante plu ca milion persones e matante cuasi 60 mil en 181 paises.
En Wuhan, la episentro de la maladia en Xina, tota semafores en urbes ia es rojida a 10:00, parante la trafica per tre minutos.
La governa ia dise ce la aveni es un momento per dona respeta a “martires”, referente a la 14 medicistes ci ia mori contra la virus.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).