AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
10 april 2018
Lufthansa es obligada a cansela oji 800 volas car la “primavera de noncontentia” entre laborores de Europa ia ateni Deutxland. La airocompania ia sutrae un dui de sua 1600 volas scemida, afetante 90 mil pasajores.
Laborores fa un greve ante discutes de paia, pos ativia simil en Frans. On previde plu disturba per Air France oji pos sua greves a la fini de semana.
Lufthansa ia recomenda a pasajores de ci sua volas no es canselada ce los lasa plu tempo per viaja, e ce los ariva plu temprana a la airoportos.
La greve no envolve la empleadas de Lufthansa mesma, ma laborores de la campo publica como la mantenores de aviones sur tera a la airoportos de Frankfurt, München, Köln e Bremen.
Un servi normal va recomensa a mercurdi. Air France ia dise ce lo va opera oji 75% de sua volas, pos cansela un tri de los a saturdi.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).