Gerores suni controla tota de Fallujah

La governa iraci ia perde controla de la site stratejial de Fallujah, a ueste de Baghdad.

Gerores liada a al-Qaidah controla aora la sude de la site, e membros de tribus suni ocupa la resta.

Batalias ia comensa ala pos cuando soldatos ia sperde un campa de protesta de arabis suni en la site Ramadi en lundi. Los ia acusa la governa xia de marjinali la sunis.

Arabis suni local es colerida par lo cual los persepi como prejudis par la governa de ministro xef Nouri Maliki.

Los dise ance ce sua comunia de minoria es danada par medios antiteroriste cual on ia introdui per para la crese de violentia setal.