Utiles de conta

Utiles de pajeria


bricabrac:vicitesto

Vicitesto

On scrive pajes en vicitesto, un sintatica multe simple per espresa elementos comun de documentos. Esta vici usa la sistem DokuWiki, e nos esplica sua puntos la plu importante a su. Si tu vole, tu pote ance leje un esplica completa de la sintatica (en engles).

En loca de recorda la sintatica, on pote clica la botones supra la testo cuando on edita un paje.

Paragrafes e linias

Paragrafes es separada par linias vacua. Cuando un linia de testo segue direta un otra, ambos linias parteni a la mesma paragraf:

Elefen es desiniada per comunica internasional.

Sua vocabulo es fundida en catalan, espaniol,
franses, italian, e portuges.

En poesias e casos simil, do on vole presenta un paragraf (strofe) como un serie de linias, on pote ajunta du retrobaras a la fini de cada linia:

A grelia, tovas angulil \\
Jiruple en stendelo forna; \\
La borcos es tan frajeril, \\
E la ronios gan estorna.

Ma vide la sesion seguente!

Sitas

Per presenta un sita, comensa lo con la sinia >, con no spasios presedente.

> Dio no jua dados. — Albert Einstein

Nos presenta normal poesias e cantas como sitas, car esta evita pleni la testo con retrobaras:

> A grelia, tovas angulil
> Jiruple en stendelo forna;
> La borcos es tan frajeril,
> E la ronios gan estorna.

Listas

  • Per crea un lista de puntos:
    • Tape du spasios e un stela (*) ante cada punto.
      • (No oblida la du spasios!)
    • Per puntos minor, usa plu spasios.
  * Janero
    * Febrero
      * Marto
    * Maio
      * April
  * Junio
  1. Per crea un lista numerida:
    1. Tape du spasios e un ifen (-) ante cada punto.
    2. (No oblida la du spasios!)
  2. Per puntos minor, usa plu spasios.
  - Reseta la piza.
    - Abri la porte.
    - Prende la caxa.
    - Grasia la traor.
    - Clui la porte.
  - Abri la caxa.
  - Come la piza.

Si la linia prima de un sita o un lista aspeta mal pos edita un paje, atende ce la linia vacua cual presede lo no conteni un spasio nonvidable.

Tipografia

Par simboles spesial, on pote ajunta efetos diversa a partes de sua testo:

Spesa **spesa**
Italica //italica//
Sulinida __sulinida__
Tapadorin ''tapadorin''
Barida <del>barida</del>
Supraindise km<sup>2</sup> o simple km²
Suindise H<sub>2</sub>O o simple H₂O

Si un paje aspeta caososa pos tua edita, lo es multe probable ce tu ia abri un de esta efetos e ia oblida clui lo. (Los no clui automata se a la fini de un paragraf, regretable.)

Per indises numeral, nos prefere usa la sinias simple de Unicode en loca de la simboles <sup> e <sub>:

⁰¹²³⁴⁵⁶⁷⁸⁹ⁿ⁺⁻ ₀₁₂₃₄₅₆₇₈₉₊₋

Alga sinias de puntua pote es tapeda en modos simplida:

--
---
...
“…” "..."
spasio nondividable (~)

Per supresa la efeto normal de cualce simbol, scrive du sinias de persento ante lo e pos lo, %%como__en**esta**__esemplo%%.

Titulos e notas basa

Per indica la titulo de un paje, on scrive ====== (ses sinias de egalia) ante lo e pos lo:

====== Gramatica ======

Simil, la titulo de un sesion o susesion de un paje es simil indicada par sinco o cuatro sinias de egalia ante lo e pos lo. On pote usa ance tre o du sinias de egalia per marca divides an plu peti de un paje, ma esta es rara nesesada.

===== Sesion =====
==== Susesion ====

Per crea un lia a un nota a basa de la paje, tape la nota entre brasetas ronda duple do tu vole ce la lia apare: ((Esta es un nota)). 1)

Pajes e ramos

La vici es simil a un arbor. Lo ave un tronco, la tronco ave ramos, un ramo pote ave rametas, etc.

Cada paje es locada en un ramo. Per esemplo, nos ave un ramo cual conteni nosa pajes de leteratur, e un otra cual conteni la gramatica. La ramo gramatica conteni rametas per la traduis diversa de se cual esiste.

La adirije de cualce paje en esta vici es www.elefen.org/vici/, cisa segueda par un serie de ramos (separada par /), segueda par la nom de la paje.

La nom de un paje o ramo es composada de leteras minor, dijitos e la sinias ., - e _. No otra sinias es permeteda.

En lias, on scrive un dupunto (:) pos la nomes de ramos. Per esemplo, gramatica:en:questions refere a un paje en la tradui engles de nosa gramatica. Cada paje mostra sua nom en esta forma sur la oreta cual protende de sua angula destra superior.

Per crea un ramo, crea mera un paje en lo. La esiste de un paje causa automata ce sua ramo esiste ance.

Lias

Per lia de un paje a un otra (la gol), on scrive la nom de la gol entre brasetas reta duple [[...]]:

Clica asi per vade a [[un OTRA paje]].

La parolas un OTRA paje va apare como la testo clicable de la lia. Per trova la nom de la gol, la vici prende esta parolas e simpli los, cambiante leteras major a minor, e sustituinte _ per la spasios. Donce esta esemplo va lia a un paje nomida un_otra_paje.

En casos plu complicada, on vole ce la testo de un lia difere de sua gol. Alora, en la brasetas reta, on scrive e la gol e la testo, separada par un bara vertical |:

Clica asi per vade a [[un_otra_paje|un paje multe plu interesante]].

La gol pote refere a otra ramos:

[[leteratur:cuatro_saisones|Un paje en la ramo "leteratur"]]
[[leteratur:xef|La paje xef en la ramo "leteratur"]]
[[leteratur:|Ance la paje xef en la ramo "leteratur"]] (esta es un corti)

Cuando la gol de un lia spesifa un ramo, la ramo veni direta de la tronco de la vici. Per esemplo, si on edita la paje leteratur:xef e on ajunta la lia seguente:

[[mea_tradui_nova:xef|Esta lia es MAL]]

… la vici va regarda mea_tradui_nova como un ramo de la tronco, e no como un rameta su leteratur.

Per lia a un paje en un rameta, usa . per representa la ramo presente:

[[.:mea_tradui_nova:xef|Esta lia es BON]]

Simil, .. representa la ramo cual conteni la rameta presente:

[[..:xef|Vade a supra]]

Per lia a un sesion de un paje, on ajunta la titulo de acel parte pos un grilia (#):

[[un_otra_paje#esta_parte|Clica me!]]

On pote ance spesifa la gol de un lia en modo plu lejable, e la vici va interprete lo par simpli lo:

[[Un otra paje#Esta parte|Clica me!]]

La vici suporta ance lias a otra locas en la rede:

[[https://www.google.com/|Xerca]]

E on pote lia direta a pajes en la Vicipedias elefen e engles:

[[vp>Transcrive]]
[[wp>Constructed language]]

Imajes

Usa la fixador per carga imajes a la vici. Atende ce tu ajunta la imajes a la ramo conveninte!

Si tu ajunta un serie de imajes per acompania un testo, nos recomenda ce tu crea un rameta per conteni e la testo e sua imajes.

Per inclui un imaje en un paje, tape sua nom entre brasetas risa duple, con o sin un indica de la dimensiones desirada, e con o sin un descrive. (La descrive apare cuando on pone sua mus a la imaje.)

{{boves}}
{{fotos:boves}}
{{boves?400x300}}
{{boves?400}}
{{boves|Cuatro boves en un campo de erba.}}
{{boves?400x300|Cuatro boves en un campo de erba.}}

Par ajunta un spasio, on pote pone la imaje a la lado sinistra o destra de la testo cual segue lo. Par du spasios, on sentri la imaje:

{{boves }}
{{ boves}}
{{ boves }}

Tables

Tables es composada de selulas. Cada selula comensa con un bara vertical (|), o con un sircoflexe (^) si lo es la titulo de un colona o linia. Cada linia debe ance fini con un de esta sinias.

Per esemplo:

|               Animales               ||||
|         ^  Engles ^ Franses ^  Deutx    ^
^  cavalo |   horse | cheval  |  Pferd    |
^    gato |     cat | :::     |  Katze    |
^   porco |     pig | cochon  |  Schwein  |
^   volpe |   (informas no disponable)  |||

Acel representa la table seguente:

Animales
Engles Franses Deutx
cavalo horse cheval Pferd
gato cat Katze
porco pig cochon Schwein
volpe (informas no disponable)

Par pone du o plu spasios a la comensa o fini (o ambos) de un selula, on controla la alinia de la testo en acel selula.

::: fusa un selula con la selula supra se. Cuando du o plu baras vertical es visina, esta fusa la selulas en modo orizonal.

Caxas e incluis

Testo pote es sentrida, o mostrada en un caxa gris o en leteras plu peti e min forte. On pote ance combina la efetos:

<WRAP box> ... </WRAP>
<WRAP centeralign> ... </WRAP>
<WRAP lo> ... </WRAP>
<WRAP box centeralign> ... </WRAP>

La parola WRAP debe es en leteras MAJOR, si la caxa conteni un (o plu ca un) paragraf intera. Si on vole ajunta un efeto simil a sola alga parolas a interna de un paragraf, scrive lo en leteras minor (wrap).

En leteratur traduida, nos pone WRAP box lo sirca la testo orijinal. La spelador en la disionario conose esta e iniora la parolas en tal caxas.

Per crea un caxa colorida con un icon, usa un de la seguentes:

<WRAP tip> ... </WRAP>
<WRAP info> ... </WRAP>
<WRAP important> ... </WRAP>
<WRAP todo> ... </WRAP>

Per asconde testo asta cuando la lejor deside revela lo, usa esta:

<WRAP spoiler> ... </WRAP>
<wrap spoiler> ... </wrap>

On pote inclui la testo de un paje en un otra. Esta es usosa per presenta un panel navigante entre un serie de pajes, como en la gramatica:

{{page>naviga}}

naviga es la nom de la paje cual defini la panel. La paje conteni normal un caso de <WRAP naviga></WRAP>, cual presenta la panel como un caxa con aspeta spesial.

Per aprende plu sur esta tecnicas, visita la pajes de DokuWiki sur la modulos include e wrap.

1)
Esta es un nota
bricabrac/vicitesto.txt · Editada: 2019/08/10 17:37 par Simon