Disionario de Elefen

Cargante la banco de datos…

   

 

Lingua:              

Aora disponable como un libro primida!

Capitoles:   A B C D E F G H I J K L M N O P Q R S T U V W X Y Z   Tota

Trova:              

Xerca en:                                                


Mostra:                                                

     

    Conserva esta elejes   Testo cru (engles)   Testo cru (tota)   Radises

 

Aida

Per xerca, tape un terma (un parola o espresa de elefen o engles), partal o completa, en la caxa a la comensa de la paje, e clica alora la boton Xerca. Tu pote eleje la lingua de la terma, e en cual parte de un parola tu vole trova lo. Alternativa, tu pote clica un de la leteras en la linia Capitoles per vide tota articles en acel parte de la disionario, o clica Tota per vide la disionario intera. Si tu eleje Conveninte per primi, la capitoles apare en un forma plu compata.

Si tu vole spesifa plu esata la tu xerca, clica la boton Plu per revela estas:

Trova parolas intera
Aseta un article sola si lo conteni la terma como un parola esata (o segue de parolas). de no trova "desende".
Trova comensas de parolas
Aseta un article sola si lo conteni un parola cual comensa con la terma.
Trova finis de parolas
Aseta un article sola si lo conteni un parola cual fini con la terma.
Trova espresas intera
Aseta un article sola si lo conteni un campo (vide Xerca en… a su) cual es esata la terma. propre no trova "lingua propre".
Trova comensas de espresas
Aseta un article sola si lo conteni un campo cual comensa con la terma.
Trova finis de espresas
Aseta un article sola si lo conteni un campo cual fini con la terma.
Trova tota
Aseta un article si lo conteni la terma. Esta es la posible la min restrinjente en esta grupo.
Distingui leteras major
No regarda leteras minor e major, per esemplo t e T, como intercambiable. site no trova "Site de Vatican".
Distingui spasios, sinietas, e ifenes
No regarda esta sinias como iniorable. de sinia no trova "desinia", e cliche no trova "cliché".
Xerca en…
Considera sola la campos cual tu eleje asi. Tu pote eleje elefen (la parolas xef de la articles), la definis de la articles, e la linguas variosa en cual traduis es disponable.
Radises
Considera la campos de radises.
Derivadas
Considera la campos de derivadas.
Testo brasetida
Considera la partes de campos cual es scriveda entre brasetas ronda. Estas conteni claris e notas min importante ca la resta de un campo.
Filtri par categoria
(Cuando tu eleje esta, tu revela du series de categorias. La serie prima conteni la clases sintatical, como nomes, verbos, etc. La serie du conteni familias comun de sinifias.) Aseta un article sola si lo parteni a la categorias cual tu eleje.
Mostra…
Inclui sola la detalias elejeda en la lista de articles trovada. Tu pote eleje la categorias, la definis, e la linguas variosa en cual traduis es disponable.
Articles completa
Cuando un derivada es trovada, inclui ance la detalias de sua radis e de tota otra derivadas de la radis. Si tu deseleje esta, la resultas es plu compata.
Conveninte per primi
Mostra la resultas en un forma simple e compata, sin colores, e sin la aparatetas de la xercador.
Xerca un regex
Per espertas! Trata la terma como un regex, tal ce alga sinias ave sinifias spesial. Per esemplo, ^[A-Z] trova tota nomes propre, e ^c[lr][^ ]*(s|en?)$ trova tota parolas individua (sin spasios) cual comensa con "cl" o "cr", e cual fini con o "s" o "e" o "en". Per plu informas sur regexes, vide esta bon introdui o consulta Vicipedia.
Restrinje plu con tua codigo propre
Per espertas! Aplica tua filtro propre, espresada como un espresa de JavaScript de cual sua valua es vera o falsa. Cada article es presentada a la espresa como la variable $, e si la espresa es vera, la article es asetada. Per esemplo, $.pronunsia trova tota articles cual spesifa un pronunsia, e $.L === $.en || $.defini.length > 100 trova tota per cual la tradui engles es la mesma como la parola en elefen o cual ave un defini plu longa ca sento sinias. Per detalias de la strutur de la ojeto $, consulta la comentas en la codigo de esta paje, e spesial la funsion InisiaDisionario.
Reinisia
Restora cada eleje a sua state orijinal.

On ave ance un util simple per trova eras de spele. Clica la boton Spelador per revela lo. Tape la testo cual tu vole esamina en la caxa grande, e alora clica la boton Trova malspeles. La spelador comprende la regulas la plu importante sur la infletas de parolas en elefen, tal ce lo reconose plurales de nomes, partisipios de verbos, e ajetivos e verbos con la prefisa "non-". La spelador pote comprende la strutur de testos paralel, si los es presentada como tables de MediaWiki, con la testo elefen en la colona prima, como comun trovada en la vici de elefen. Tu pote usa la spelador per trova eras de spele en la definis, par clica la boton Trova definis malspeleda. Tu pote eleje iniora parolas cual comensa con un letera major: multe de estas es nomes propre cual no apare en la disionario, ma los pote es ance parolas comun a la comensa de un frase o simil.

La lia Conserva tua elejes representa la elejes cual es ativa a esta momento. Pos ajusta la xercador a tua preferes, tu pote ajunta acel lia a la lista de pajes favoreda en tua surfador. La lia conteni sola la elejes avansada: no la terma mesma, e no la elejes simple de la lingua e la parte de parola. Par la lia Testo cru, tu pote descarga la testo intera de la disionario en la forma "cru" en cual nos edita lo en la vici de elefen. Par la lia Radises, tu pote reseta un lista simple de radises.

Tu pote descarga la xercador a tua computador e usa lo an cuando tu no es enlinia. Per fa acel, descarga la xercador (index.html) e sua banco de datos (disionario.js), e pone los a la mesma loca en la sistem de fixes en tua computador. La lias destra a la comensa de la paje indica la data de la du fixes. Per fa xercas, abri "index.html".