AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
6 janero 2014
A la min nove persones, incluinte tre enfantes, ia es matada en un esplode a un casa en la area tribal de Khyber en la norde-ueste de Pacistan.
La esplode ia aveni en un armeria a la casa de Hakim Khan, un gidor tribal en la Vale Tirah.
En anios resente, la area ia esperia batalias ferose, cuando la armada e grupos diversa de gerores ia compete per controla, obligante miles a fuji.
Ofisiores crede ce la loca ia es usada par gerores de Lashkar-e-Islam, per distribui armas.
Un reporta sujesta ce la esplode ia aveni cuando on ia es preparante esplodentes, ma esta no es confirmada.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).