AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
12 julio 2014
On ia trova un bebeta fema abandonada en un baldon de resicli botelas en Rouvroy, un vila en Frans norde.
La xica ia es descovreda par un pasor ci ia crede prima ce la crias veni un gato trapida.
La corda ombilical ia es ancora juntada a la bebeta.
On trata la enfante per talias de pel e per ipotermia a un ospital en Lens, un vila prosima. La polisia dise ce la vive de la enfante no es en peril.
Un investiga ia comensa per identifia la madre.
La maior local, Jean Haja, ia comenta ce el nesesa sabe plu sur la caso ante pote espresa sua judi. El ia demanda: “Esce la madre ia ata tal par teme o despera? Me no sabe. Esce lo es un ata desperante?”
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).